2015 جىلعى 14 ءساۋىر, استانا, ۇكىمەت ءۇيى
«تەگىن مەديتسينالىق كومەكتىڭ كەپىلدىك بەرىلگەن كولەمىن كورسەتۋ بويىنشا دارىلىك زاتتاردى, پروفيلاكتيكالىق (يممۋنوبيولوگيالىق, دياگنوستيكالىق, دەزينفەكتسيالىق) پرەپاراتتاردى, مەديتسينالىق ماقساتتاعى بۇيىمدار مەن مەديتسينالىق تەحنيكانى, فارماتسەۆتيكالىق قىزمەتتەردى ساتىپ الۋدى ۇيىمداستىرۋ جانە وتكىزۋ ەرەجەسىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2009 جىلعى 30 قازانداعى №1729 قاۋلىسىنا وزگەرىستەر مەن تولىقتىرۋلار ەنگىزۋ تۋرالى
قازاقستان رەسپۋبليكاسىنىڭ ۇكىمەتى قاۋلى ەتەدى:
1. «تەگىن مەديتسينالىق كومەكتىڭ كەپىلدىك بەرىلگەن كولەمىن كورسەتۋ بويىنشا دارىلىك زاتتاردى, پروفيلاكتيكالىق (يممۋنوبيولوگيالىق, دياگنوستيكالىق, دەزينفەكتسيالىق) پرەپاراتتاردى, مەديتسينالىق ماقساتتاعى بۇيىمدار مەن مەديتسينالىق تەحنيكانى, فارماتسەۆتيكالىق قىزمەتتەردى ساتىپ الۋدى ۇيىمداستىرۋ جانە وتكىزۋ ەرەجەسىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2009 جىلعى 30 قازانداعى №1729 قاۋلىسىنا (قازاقستان رەسپۋبليكاسىنىڭ ءپۇاج-ى, 2009 ج., № 47-48, 444-قۇجات) مىناداي وزگەرىستەر مەن تولىقتىرۋلار ەنگىزىلسىن:
كورسەتىلگەن قاۋلىمەن بەكىتىلگەن تەگىن مەديتسينالىق كومەكتىڭ كەپىلدىك بەرىلگەن كولەمىن كورسەتۋ بويىنشا دارىلىك زاتتاردى, پروفيلاكتيكالىق (يممۋنوبيولوگيالىق, دياگنوستيكالىق, دەزينفەكتسيالىق) پرەپاراتتاردى, مەديتسينالىق ماقساتتاعى بۇيىمدار مەن مەديتسينالىق تەحنيكانى, فارماتسەۆتيكالىق قىزمەتتەردى ساتىپ الۋدى ۇيىمداستىرۋ جانە وتكىزۋ ەرەجەسىندە:
2-تارماقتا:
27) جانە 28) تارماقشالار مىناداي رەداكتسيادا جازىلسىن:
«27) قارجىلىق ليزينگ شارتى – وسى ەرەجەگە سايكەس ليزينگ بەرۋشى ءونىم بەرۋشىدەن ليزينگ الۋشى كورسەتكەن ليزينگ نىساناسىن ءوز مەنشىگىنە ساتىپ الۋعا جانە قازاقستان رەسپۋبليكاسىنىڭ ازاماتتىق زاڭناماسىنا سايكەس وسى ليزينگ نىساناسىن ليزينگ الۋشىعا ۋاقىتشا يەلەنۋگە جانە پايدالانۋعا اقىلى تۇردە بەرۋگە مىندەتتەنەتىن ءۇش جاقتى شارت;
28) ساتىپ الۋ تۋرالى شارت – وسى ەرەجەگە جانە قازاقستان رەسپۋبليكاسىنىڭ وزگە دە نورماتيۆتىك قۇقىقتىق اكتىلەرىنە سايكەس تاپسىرىس بەرۋشى مەن ءونىم بەرۋشى اراسىندا جاسالعان, جازباشا نىساندا تىركەلگەن, وعان بارلىق قوسىمشالارمەن جانە تولىقتىرۋلارمەن, سونداي-اق شارتتا سىلتەمەسى بار بارلىق قۇجاتتاماسىمەن تاراپتار قول قويعان شارت;»;
13-تارماقتىڭ 4) تارماقشاسى مىناداي رەداكتسيادا جازىلسىن:
«4) ولشەۋ قۇرالدارىنا جاتاتىن مەديتسينالىق تەحنيكا قازاقستان رەسپۋبليكاسىنىڭ ولشەم بىرلىگىن قامتاماسىز ەتۋ تۋرالى زاڭناماسىنا سايكەس قازاقستان رەسپۋبليكاسىنىڭ ولشەم بىرلىگىن قامتاماسىز ەتۋدىڭ مەملەكەتتىك جۇيەسى تىزىلىمىنە ەنگىزىلۋى ءتيىس.»;
15-تارماق مىناداي رەداكتسيادا جازىلسىن:
«15. تەندەردى ۇيىمداستىرۋشى دارىلىك زاتتاردى, پروفيلاكتيكالىق (يممۋندىق-بيولوگيالىق, دياگنوستيكالىق, دەزينفەكتسيالىق) پرەپاراتتاردى, مەديتسينالىق ماقساتتاعى بۇيىمداردى, مەديتسينالىق تەحنيكانى, فارماتسەۆتيكالىق كورسەتىلەتىن قىزمەتتەردى الداعى ساتىپ الۋ تۋرالى تەندەرلىك وتىنىمدەردى قابىلداۋ اياقتالاتىن كۇنگە دەيىن كەمىندە كۇنتىزبەلىك 15 كۇن بۇرىن اپتاسىنا ءۇش رەتتەن سيرەتپەي شىعارىلاتىن جانە قازاقستان رەسپۋبليكاسىنىڭ اۋماعىندا تارالاتىن مەرزىمدى باسپا باسىلىمىندا مەملەكەتتىك جانە ورىس تىلدەرىندە جاريالاۋ جانە اقپاراتتى تەندەردى ۇيىمداستىرۋشىنىڭ/ساتىپ الۋدى ۇيىمداستىرۋشىنىڭ ينتەرنەت-رەسۋرسىندا ورنالاستىرۋ ارقىلى الەۋەتتى ءونىم بەرۋشىلەردى حاباردار ەتەدى.»;
88-2-تارماق مىناداي مازمۇنداعى ەكىنشى بولىكپەن تولىقتىرىلسىن:
«ەگەر:
1) ليزينگتىك تولەمدەردى تەگىن مەديتسينالىق كومەكتىڭ كەپىلدىك بەرىلگەن كولەمى ەسەبىنەن وتەۋ تەتىگى بولماسا;
2) قارجىلىق ليزينگ شارتى قارجىلىق ليزينگ شارتتارى مەن تالاپتارىنا سايكەس كەلمەسە, مەديتسينالىق تەحنيكا قارجىلىق ليزينگ شارتتارىندا ساتىپ الىنبايدى.»;
88-3-تارماق مىناداي رەداكتسيادا جازىلسىن:
«88-3. مەديتسينالىق تەحنيكانى ساتىپ الۋدى ۇيىمداستىرۋشى قارجىلىق ليزينگ شارتتارىندا ساتىپ الىنبايتىن قۇنى 5000000 (بەس ميلليون) تەڭگەدەن 50000000 (ەلۋ ميلليون) تەڭگەگە دەيىنگى مەديتسينالىق تەحنيكانى, قۇنى 50000000 (ەلۋ ميلليون) تەڭگەدەن جوعارى, سونداي-اق بىرىزدەندىرۋدى تالاپ ەتەتىن مەديتسينالىق تەحنيكانى وسى ەرەجەنىڭ 8-2-تاراۋىنا سايكەس وبلىستىق بيۋدجەتتەرگە, استانا جانە الماتى قالالارىنىڭ بيۋدجەتتەرىنە جەرگىلىكتى دەڭگەيدەگى مەديتسينا ۇيىمدارىن ماتەريالدىق-تەحنيكالىق جاراقتاندىرۋعا بەرىلەتىن اعىمداعى نىسانالى ترانسفەرتتەردى قوسا العاندا, رەسپۋبليكالىق بيۋدجەت قاراجاتىنىڭ ەسەبىنەن ساتىپ الادى. سۇراۋ سالىنعان مەديتسينالىق تەحنيكانىڭ كلينيكالىق-تەحنيكالىق نەگىزدەمەسىنە, تەحنيكالىق سيپاتتاماسىنا جانە قۇنىنا ساراپتامانى ليزينگ بەرۋشى جۇرگىزەدى.»;
88-6-تارماقتا:
ەكىنشى بولىك مىناداي رەداكتسيادا جازىلسىن:
«ليزينگ بەرۋشى تەحنيكالىق, ۇيىمدىق ساراپتامانى جانە قۇن, سونداي-اق قارجىلىق ليزينگ شارتتارى مەن تالاپتارىنا سايكەستىك ساراپتاماسى جۇرگىزىلگەننەن كەيىن ون جۇمىس كۇنى ىشىندە ساتىپ الۋ جوسپارلانعان مەديتسينالىق تەحنيكانىڭ تىزبەسىن ازىرلەيدى, ونى العان ساتتەن باستاپ كۇنتىزبەلىك ون بەس كۇن ىشىندە مەديتسينالىق تەحنيكانىڭ تىزبەسىن كەلىسۋدى جۇزەگە اسىراتىن دەنساۋلىق ساقتاۋ سالاسىنداعى ۋاكىلەتتى ورگانعا سانى جانە جەتكىزۋ ورنى بولىگىندە كەلىسۋگە جىبەرەدى.»;
ءتورتىنشى, بەسىنشى ابزاتستار مىناداي رەداكتسيادا جازىلسىن:
«ءونىم بەرۋشىلەردى ايقىنداۋ قورىتىندىسى بويىنشا ليزينگ بەرۋشى ون بەس جۇمىس كۇنى ىشىندە دەنساۋلىق ساقتاۋ ۇيىمدارىمەن جانە مەديتسينالىق تەحنيكانى بەرۋشىمەن ليزينگ بەرۋشى ايقىنداعان نىسان بويىنشا قارجىلىق ليزينگ شارتىن جاساسادى.
قارجىلىق ليزينگ شارتى جاسالعاننان كەيىن ءونىم بەرۋشى دەنساۋلىق ساقتاۋ ۇيىمىنا ليزينگ نىساناسىن ۇسىنادى, وسى شارتتا كوزدەلگەن تارتىپپەن جانە جاعدايلاردا ىسكە قوسۋ-باپتاۋ جۇمىستارىن, پەرسونالدى وقىتۋدى جانە مەديتسينالىق تەحنيكاعا كەپىلدىك بەرىلگەن سەرۆيستىك قىزمەت كورسەتۋدى جۇرگىزەدى. بۇل رەتتە مەديتسينالىق تەحنيكاعا كەپىلدىك بەرىلگەن سەرۆيستىك قىزمەت كورسەتۋ مەديتسينالىق تەحنيكا پايدالانۋعا بەرىلگەن كۇننەن باستاپ كەمىندە وتىز جەتى ايدى قۇراۋى ءتيىس.»;
88-7-تارماق الىپ تاستالسىن;
93-تارماقتىڭ ەكىنشى بولىگى مىناداي رەداكتسيادا جازىلسىن:
«كوميسسيا قۇرۋ تۋرالى شەشىم قابىلدانعان كەزدەن باستاپ ول ساتىپ الۋ تۋرالى شارت نەمەسە قارجىلىق ليزينگ شارتى كۇشىنە ەنگەنگە دەيىن جۇمىس ىستەيدى.»;
129-1-تارماق مىناداي رەداكتسيادا جازىلسىن:
«129-1. تەندەر جەڭىمپازىنىڭ قاعاز جانە doc* فورماتىندا ەلەكتروندىق تۇردەگى تەحنيكالىق ەرەكشەلىكتەرىنىڭ كوشىرمەلەرىن قوسا بەرە وتىرىپ, مەديتسينالىق تەحنيكانى ساتىپ الۋ بويىنشا ەكى كەزەڭدى اسىمدەر پايدالانىلاتىن تەندەر قورىتىندىلارى تۋرالى حاتتامانىڭ نوتاريالدى كۋالاندىرىلعان كوشىرمەلەرىن تەندەردىڭ قورىتىندىسى شىعارىلعان كۇننەن باستاپ بەس جۇمىس كۇنى ىشىندە مەديتسينالىق تەحنيكانى ساتىپ الۋدى ۇيىمداستىرۋشى تاپسىرىس بەرۋشىلەردىڭ تەندەر جەڭىمپازدارىمەن وسى ەرەجەگە 7-قوسىمشاعا سايكەس جاسالعان مەديتسينالىق تەحنيكانى ساتىپ الۋ شارتتارىن (بۇدان ءارى – ساتىپ الۋ شارتى) نەمەسە قارجىلىق ليزينگ شارتىن جاساسۋى ءۇشىن قابىلداۋ-بەرۋ اكتىسى بويىنشا تاپسىرىس بەرۋشىلەرگە بەرۋگە ءتيىس.»;
131-تارماقتىڭ 5) تارماقشاسى مىناداي رەداكتسيادا جازىلسىن:
«5) ءونىم بەرۋشى جەتكىزۋ شارتىنىڭ نەمەسە ساتىپ الۋ شارتىنىڭ, قارجىلىق ليزينگ شارتىنىڭ تالاپتارىن ورىنداماعاندىقتان, تيىسىنشە ورىنداماعاندىقتان جەتكىزۋ شارتى نەمەسە ساتىپ الۋ شارتى, قارجىلىق ليزينگ شارتى بۇزىلعاندا. بۇل جاعدايدا بىرىڭعاي ديستريبيۋتور نەمەسە مەديتسينالىق تەحنيكانى ساتىپ الۋدى ۇيىمداستىرۋشى بۇزىلعان جەتكىزۋ شارتىنىڭ نەمەسە ساتىپ الۋ شارتىنىڭ, قارجىلىق ليزينگ شارتىنىڭ بەلگىلەنگەن باعاسىنان اسپايتىن باعا بويىنشا دارىلىك زاتتاردىڭ, مەديتسينالىق ماقساتتاعى بۇيىمداردىڭ جانە مەديتسينالىق تەحنيكانىڭ قالعان كولەمىنە وسى ەرەجەدە بەلگىلەنگەن بىلىكتىلىك تالاپتارىنا سايكەس كەلەتىن زاڭدى تۇلعادان نەمەسە كاسىپكەرلىك قىزمەتتى جۇزەگە اسىراتىن جەكە تۇلعادان ءبىر كوزدەن ساتىپ الۋدى جۇزەگە اسىرۋعا قۇقىلى. ەگەر تەندەر جەڭىمپازى وتاندىق تاۋار ءوندىرۋشى بولىپ بەلگىلەنگەن جاعدايدا, اتالعان تارماقتىڭ تالاپتارى قولدانىلمايدى;»;
133-تارماقتىڭ ءبىرىنشى بولىگىنىڭ 3) تارماقشاسى مىناداي رەداكتسيادا جازىلسىن:
«3) جەتكىزۋ شارتى نەمەسە ساتىپ الۋ شارتى, قارجىلىق ليزينگ شارتى جاسالاتىن الەۋەتتى ءونىم بەرۋشىنىڭ اتاۋى جانە ورنالاسقان جەرى جانە مۇنداي شارتتىڭ باعاسى.»;
142-1-تارماق مىناداي رەداكتسيادا جازىلسىن:
«142-1. ءونىم بەرۋشى تەحنيكالىق ەرەكشەلىكتەن اۋىتقيتىن مەديتسينالىق تەحنيكانى ۇسىنعان جانە/نەمەسە وسى مەديتسينالىق تەحنيكانىڭ جەتكىزىلۋى جوسپارلانعان دەنساۋلىق ساقتاۋ ۇيىمىنىڭ بەيىنىنە, باعىتىنا جانە قىزمەت تۇرىنە سايكەس كەلمەگەن جاعدايدا, ليزينگ بەرۋشىنىڭ تەندەر جەڭىمپازىمەن قارجىلىق ليزينگ شارتىن جاساسۋدان باس تارتۋعا قۇقىعى بار. ءبۇل جاعدايدا ليزينگ بەرۋشى قارجىلىق ليزينگ شارتتارىندا مەديتسينالىق تەحنيكانى ساتىپ الاتىن دەنساۋلىق ساقتاۋ ۇيىمىنىڭ جازباشا حابارلاماسىنىڭ نەگىزىندە ساتىپ الۋدى ۇيىمداستىرۋشىنى جانە تەندەر جەڭىمپازىن قارجىلىق ليزينگ شارتىن جاساسۋدان باس تارتاتىنى تۋرالى حاباردار ەتەدى.».
2. وسى قاۋلى العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسىنىڭ پرەمەر-ءمينيسترى ك.ءماسىموۆ.